Drei Jahr nachdem der Oimabtrieb in da Miaschbacher Oberlandhalle aufbaut und aufg`führt worn is, kimmt in dem Johr, nämlich am Freitag, den 18. Oktober, a neie G`schicht von Georg Willibald zur Uraufführung.
De neie G`schicht „Braunellä und Brauneigä“ soi so ungefähr ablaufn wia domois da „Oimabtrieb“.
Des hoaßt 20 Sprecha im Alter vo 10 – 76 Jahr gebn den handg`schnitzten Figuren eana Stimm und erweck`n sozusagen de Figuren zum Leben. Zum Seng is des dann ois auf a groußn Leinwand. Des Ganze werd no mit fünf Musi- und G`sangsgruppen musikalisch umrahmt. In dem Stückl geht`s um des Lebm vo Zwillingskiah, de auf da Oim auf d`Welt kemma san. Wer domois den Oimabtrieb in der ausverkauften Oberlandhalle miterlebt hat, der woaß, dass des Ganze net so ernst abgeht und dass a was zum Lacha dabei is.
Geplant is a einmalige Aufführung. Ob de Figuren, de alle nur für des Stückl g`schnitzt wordn san, bei einer anschließenden Ausstellung zum seng san, is no net entschieden. Auf a paar griabige oimerische Stunden g`frein se de 20 Leutsprecher, de ganze Musi.
Näheres siehe auch unter www.almwirtschaft.net. Der Reinerlös wird zu Gunsten einer in Not geratenen Bauernfamilie gespendet.

Georg Willibald